مهندس معماري مرشح لرئاسة الجمهورية

المهندس حمدي السطوحي يعلن ترشيحه لرئاسة الجمهورية

شعاره لحملة الانتخابات “بنحلم ونقدر”

برنامجه سيعتمد على عدة محاور أبرزها تنمية مصر من خلال إستغلال الطاقة البشرية، والقضاء على البطالة خلال 5 سنوات، ومحاربة الفقر.

وقال "السطوحى"، خلال المؤتمر الصحفى، الذى عقده أمام سجن القلعة، أمس الأول، إنه يحمل خبرة كبيرة فى البناء بحكم عمله، واعتبره الخطوة الأولى للنهوض بمستقبل مصر من خلال استغلال إمكانياتها ومواردها المهدرة.

وقال إنه سيحقق الاكتفاء الذاتى من القمح، خلال ٣ سنوات فقط، وسينشئ فى مصر عواصم سياسية واقتصادية وتاريخية بجانب القاهرة، وسيقضى على البطالة خلال ٥ سنوات فقط، وإنه لن يكون لدينا مواطن واحد تحت خط الفقر خلال ١٥ عاماً.

وأشار إلى أن حل البطالة يكمن فى زيادة عدد السكان من خلال استغلال هذه الثروة البشرية الهائلة وعدم إهمالها، حيث يمثل الشباب وحده ثلث تعداد السكان وبناء مصر لن يتم إلا بسواعد هؤلاء الشباب.

واستنكر السطوحى "استيراد مصر الأسماك" على الرغم من وجود البحر الأحمر والبحر المتوسط ونهر النيل وبحيرة ناصر، مشيراً إلى أنه سيعمل على أن يكون "السمك" هو الوجبة الشعبية للبلاد خلال الـ١٥ عاماً المقبلة.

ردود افعال غاضبة علي قرار تخصيص اراضي المغتربين المصريين

رصدت عالم البناء مجموعة كبيرة من ردود الافعال الموسعة التي كانت معظمها ردود افعال غاضبة نتيجة الخبر الذي تم نشره من ايام قليلة عن تخصيص الحكومة المصرية قطع اراضي للمصريين المغتربين في المدن العمرانية الجديدة

وسنذكر بعض هذه التعليقات وردود الافعال وسيتم تحديثها باستمرار

 

عجبى عليك يازمن الوليد بن طلال اخذ الفدان ب500جنية والمصريين الغلابة المتر ب500 دولار عجبى

وحياتك فيه ناس اخدوا المتر بنص جنيه

الله

بجد حسبى الله ونعم الوكيل الوزير دا مش عارف حاجة وهوه متأكد ان مفيش حد من الشباب هيرد علية انتو عارفين يعنى ايه 500 دورلا للمتر يعنى انا شاب اعمل فى الخليج بالمدينة المنورة فرضا هاخد 800 متر يعنى 400.000 دولار يعنى 2.400.000 جنيه مصرى يعنى انا محتاج 48 سنة علشان اعمل المبلغ دا وعلى اساس انى مش هصرف مليم واحد يعنى لا هشرب ولا هاكل ولا حتى هتجوز
يعنى قرار فاشل من وزير فاشل وسياسة فاشلة ولكن شطرين بس نوزع الاراضى على الوليد وعلى الخرافى وتحيا مصر

اللة يهديهم مفروض يوزعو الاراضى السكنية والزراعية على المغتربين بثمن الخدمات والمرافق وبعدين نتبرع بمبلغ مناسب لا يزيد عن %20 من ثمنها لبناء
منازل اقتصادية للمصريين المحتاجين وما أكثرهم

خربانة خربانة نعم لان أكثر من %90 من المصريين فى الخارج لا يملكوا أكثر من 100 الف جنيةبل أقل يعنى حوالى 16 الف دولار للغنى فيهم أحسن نروح نشترى 30 متر يمكن تنفع تربة ولا قبر وين الرحمة يا ناس

خلاص زمن الفرص انتهى جمال مبارك وعصابته اشتروا الفدان بـ200 جنيه والحكومة المسكينة عاوزة تحل مشكلة السيولة تعمل ايه تبيع للمغتربين متر الأرض بـ 500 دولار هو فيه متر أرض فى المدن الجديدة فى الأماكن الى عمرت وسكنت بيتباع بالسعر ده دى البلد فى حالة ركود ولا بيع ولا شراء دى حكومة عايشة فين ده السويد عمله اعلانات علشان تجذب الناس وتروح تشترى ارض فى السويد بسعر مكملش عشر السعر ده أنا انصح نفسى وكل المغتربين نروح نشترى فى السويد واهو العيال لما تكبر تعيش فى بلد متحضر .

حسبنا الله ونعم الوكيل هم تملي المغتربيين مبصوص علي قرشهم , انتم فاكريين اننا بناخد مليون جنيه زيكم في مصر , دا احنا يا دوب عيشين علشان نأكلها بالحلال .

بجد رخيصة قوى وحلوة انا عاوز احجز فيها قطعتين او تلاتة بس للاسف معيش فلوس اشحن رصيدى دولى علشان اكلم حد من المسئولين واتف فى وشوه.بلد تقرف ياولاد التيت انا خريج علوم وبشتغل فى الكويت ويدوب قادر ابعت فلوس لعيالى يروحو مدارس

دي مسخره انا هحول فلوسي دوله تانيه

2 الأرض دى بكام ؟ والعمر ده بكام ؟بواسطة: محمود عبد الفتاح محمد سالملف ودوران ... أقسم بالله نفس الإسلوب القديم .... بعد عشرين سنة غربة برسل دولارات من الخارج يعزز بيها الإقتصاد ويقوى لترتفع قيمة الجنيه المصرى بالمقابل فمن حقى أستلم قطعة أرض 800 : 100 متر بسعر معقول علشان أعرف أقدر أبنى جزأ منها والباقى جنينة أقعد فيها انا وعيالى أريح اعصابى الباقى من العمر من التخلف والحرمان إللى الواحد شافه طول 20 سنة ... وهذه القيمة لا توفى حقى أيضا .. إنت عارف قيمة صلاة العيد فى بلدك كام ؟ عارف إفطار اول يوم من رمضان فى مصر وفى وسط أهلك بكام ؟ عارف إن أبوك يموت وماتلحقشى دفنته وتعزى فيه بكــــــــــام ؟ عارف إن إبنك يتولد فى مصر ومتشوفهوش إلا بعد 2 : 3 بكام ؟ عارف إن المغترب ممكن يموت ويتشحن مع العفش علشان يدفن فى بلده بكام ؟ عارف المغترب بيتعامل فى الجمارك فى مصر إزاى على الحدود بكام ؟ عارف إن المغترب وهو راجع إلى أهله بعد سنين ممكن يرجع نصفه بعد أكل سمك القرش لجثته أو ممكن ميرجعشى خالص لو تاه فى أعماق البحر ( راجع كارثة العبارة ) عارف كل ده قيمته كام ؟ ممكن يكون قيمة تكون 800 : 1000 متر يتستر فيهم هو وعياله من مساحة مصر كلها إللى إنتم قاعدين فى 8% منها .. وعجبى

عايزة اعرف حاجة احنا اسمنا في الخارج مغتربين وفي مصر مغتربين فين بلدنا التي يكون فيها اسمنا مواطنين علشان يعترفوا بينا وناخد حقوقنا منها هو احنا خرجنا من مصر لية علشان نلاقي ناكل ولانقعد بدون شغل عطلانين ميعرفش سيادة الوزير احنا يدوب بناكل عيالنا ونعلمهم في الغربة بس نفسنا بلدنا تعملنا حاجة لاننا سبنا خيرها وحقنا فيها لغيرنا وبعدين علشان يبقي لنا حاجة فيها يباع لنا المتر بستة اضعاف ولاد البلد صحيح احنا مغتربين

قال يعيني المغترب مستني الأحوال ننحسن عشان ينزل يعيش هو وعياله في بلده اللي اتحرم منها بسبب فساد النظام السابق وهمه عاوزينة يدعم اقتصاد البللد بالكام دولار اللي حوشهم من صحته ودمه وقوت عياله وحرمانه بالله شوفولكم حل تاني يخلي المغتربين يرجعوا يعيشوا في بلدهم اللي اتحرموا منها بدل ما يموتوا في الغربة وذنبهم يظل في رقابكم

اتقوا الله في المغتربين وهو المغترب كان اغترب لو لاقي حياة كريمه في بلده المغترب يدوبو عارف ياكل وصرف على عياله عايش الحياة اللي موفرهلوش وطنه الغربة مصت دمه ونتو جايين تخلصوا عليه بدل ما تساعدوه عشان يرجع يخدم بلده مش مكسوفين من نفسيكم انتوا وبتاخدوا هذا القرار حسني عامله قبر معقم والمغترب مش قادر يبنيله بيت يعيش فيه في بلده عشان كدة صابر لا مقهور عللى الصبر في الغربة حسبنا الله ونعم الوكيل قال مستنين الرواتب تزيد عشان ننزل مصر موووووووووووووووت ياحمار قصدي موووووووووووووووت يا مغترب وجيب الدولارات اللي معاك وإياك تفكر ترجع مصر قبل ما تحوش ثمن كفنك وقبرك اللي حتدفن فيه!!!!!!!!!!!!!!!!!!!!

مشروع فاشل وحسبى الله ونعم الوكيل فى الحكومه البايظه انا بقالى 7 سنين فى الغربه يدوب بصرف على بيتى هما الناس دى فاكره ان المتغربين دول معاهم ملايين يجو يشوفو بيحصل ايه

حرام عليكم ياوزارة الاسكان
انتم مفكرين اني المغتربين بيعبو فلوس في كراتين!!!!!!!!!
امنية المغترب من سفره كله حتة يبنيها
انا بقالي 8 سنوات في الغربة ومش عارف ابني
وانتم عايزين تبيعو المتر ب500 دولار
حسبي الله ونعم الوكيل
فاااااااااااااااااااااشل

حسبي الله ونعم الوكيل في حكومة عاوزة تاخد الفلوس المنهوبة من المغتربين بدل ماترجعها من دول اوربا - المغتربين يسددو الاموال المسروقة - اقتراح جميل - بكرة ناخد من كل تلميذ في المدرسة عشرة جنيه لعلاج المخلوع - ايه رايكو تاخدو رأي بطرس غالي في البلد اللي هو فيها ماهو يعتبر مغترب يمكن يشتري حتة ارض
على كل حال ريحو نفسكوا انا عندي اتبرع لمصر لكن الحكومة متتحكش علة تاني

انا هقدم على قطعتين واحده فلل والثانيه عمارات وعجبى

ادعو كل المغتربين بالصبر ودا دورنا تجاه البلد لكن الموضوع لو طلع نصبه هنشتكى اى حكومه مو كل شهر بيشكلو حكومه والله لو مضمونه الواحد يقدم لكن خلونى اقولكم شى سار معى قبل امس جانى تليفون من مصر وهو احد المعارف وقال هتقدم فى الاراض للمغتربين قلتله لا قال انا هحوللك فلوس وقدم ب اسمك يعنى فيه ناس مستنيه اى فرصه
ايهاب على الخبر

http://www.egyptiantalks.org/invb/index.php?showtopic=117632&st=15
ادخل على الرابط وشوف الحكومة باعت متر الارض فى احلى شواطئ مصر بمليارات الامتار بكام بواحد دولار

ياشباب الاراضي دي مش للشباب اللي في بداية حياته ..دي مش مشروع قومي او مشروع مدعم .. دي اراضي لرجال الاعمال المصريين المغتربين.. عشان يساهمو بفلوسهم في الاقتصاد المصري..يعني لعمو محمد الفايد الله يرحمه. والناس اللي علي نفس المستوي..

يا اخواني بقلكم زي ما احنا كدا ظروفنا صعبة في الخارج بردة فيها ناس مرتاحة ومريشة وكمان الدولة او الحكومة يعني بتطرح الاراضي بسعر اقل من سعرها الموجود في اماكنها وبكدة يقدر يستفيد من المقيمين بالخارج في دعم اقتصاد مصر بالدولار

سعادة البيه الجنزوري حضرتك نسيت المغتربين بالداخل وهمه مش كتير حوالي 84 مليون مصري بس

قطع اراضي للمغتربين المصريين بالخارج

قام مجلس الوزراء برئاسة دكتور كمال الجنزوري بالموافقة علي طرح مجموعة كبيرة من قطع الاراضي للمصريين المغتربين في الخارج في العديد من المدن الجديدة وهي

القاهرة الجديدة

الشيخ زايد

السادس من اكتوبر (6 اكتوبر)

مدينة المنيا الجديدة

مدينة بدر

مدينة دمياط الجديدة

اسوان

وتتراوح اسعار هذه الاراضي بين 50 و 500 دولار للمتر الواحد حسب الموقع والمدينة المختارة

والعدد الكلي لتلك المجموعات من الراضي هو 8625 قطعة موزعة علي مجموع المدن المذكورة

وتتراوح مساحات القطع بين 700 و 800 متر للقطة الواحدة

وسيتم طرح المرحلة الاولي اعتبارا من اول شهر مارس القادم 2012

علي انت يتم سداد قيمة الارض علي 3 دفعات الدفعة الاولي 50% وباقي الدفعات بدون فوائد

ويتم خصم 10 % للسداد الفوري

كما اشار وزير الاسكان المصري انه سيتم طرح مجموعة متميزة من الاراضي علي النيل في مدن اسوان والمنيا تتراوح بين 150 و 500 دولار للمتر

كذلك في الشيخ زايد و6 اكتوبر

وذلك عن طريق المزادات

اعلان القرعة العلنية الجديدة لبيع قطع اراضي بهيئة المجتمعات العمرانية الجديدة

اعلنت امس هيئة المجتمعات العمرانية الجديدة عن قرعتها الثانية لهذا العام باسعار محددة لقطع صغيرة من الاراضي

للإسكان العائلي كاملة المرافق بمساحات من 209م² إلى 276م²

تسدد على 4 دفعات بدون فوائد لبناء أرضي و3 أدوار بمساحة الدور المتكرر من120م² إلى 148م²طبقاً للنماذج المحددة .وتتمثل هذه الاراضي في عدد 6 من المدن الجديدة بيانها كالآتي

 

اسم المدينة	6 أكتوبر	دمياط الجديدة	العاشر من رمضان	سوهاج الجديدة	برج العرب الجديدة	السادات
المحافظات المتاح لمواطنيها التقدم (*)	الجيزة	دمياط - الدقهلية - بور سعيد	الاسماعيلية - الشرقية - القليوبية - شمال سيناء - جنوب سيناء	سوهاج - قنا - البحر الاحمر	الاسكندرية - البحيرة - مطروح - كفر الشيخ	الغربية - المنوفية - القليوبية
عدد القطع	1880	1007	4171	190	1698	934

الشروط

1. كراسات الشروط والمواصفات متاحة بجميع فروع بنك التعمير والإسكان نظير مبلغ50 جنيها اعتبارا من يوم الأحد  الموافق 22/1/2012 .
2. تقدم استمارة البيانات الواردة  بكراسة الشروط والمواصفات والمحدد بها أسعار الأراضي لحجز قطعة الأرض خلال المدة من 22/1/2012 حتى 23/2/2012 في الفترة من الساعة الثانية مساء وحتى الساعة الخامسة مساء بفروع بنك التعمير والإسكان (ويحظر التعامل مع إي جهات أو أفراد خارج فروع البنك).
3. يسدد مقدم الحجز وقدره ( 10000ج) "عشرة آلاف جنيه" في أي فرع من فروع بنك التعمير والإسكان  نقدا أو بشيك  معتمد أو بشيك مصرفي طبقا لمواعيد العمل الموضحة بعاليه  .

أسلوب التخصيص

1.  يتم إجراء قرعة يدوية علنية وسيتم الإعلان عن مكان وموعد أجراء القرعة لكل مدينة لاحقا وبحضور مسئولي جهاز المدينة والجهات المعنية والرقابية وبنك التعمير والإسكان ومن يرغب من المواطنين المتقدمين للحجز 0
2. يتم رد مقدم الحجز للسادة المتقدمين الذين لم يقع عليهم الاختيار بعد إعلان نتيجة القرعة العلنية مضافا إليها الفوائد المقررة من خلال بنك التعمير والإسكان .

شروط المستفيد

1.  أن يكون شخصا طبيعيا (مواطن مصري الجنسية) وليس شخصا معنويا (شركة أو مؤسسة) .
2. ألا يقل السن عن (21) عاما في تاريخ بدء الحجز .
3. لا يحق للأسرة (الزوج – الزوجة - الأولاد القصر) التقدم لحجز أكثر من قطعة ارض واحدة في المدن المعلن عنها .
4. ألا يكون قد سبق تخصيص قطعة أرض له أو لأسرته (الزوج – الزوجة - الأولاد القصر) بأي من المدن الجديدة سواء كانت في حيازته أو تنازل عنها للغير .
5.  أن يكون المتقدم من مواليد أو القاطنين أو العاملين بالمحافظة التي تقع في نطاقها المدينة المطلوب الحجز فيها طبقاً للجدول المرفق بكراسة الشروط والجدول عاليه (*) .

نظام السداد

1. إستكمال سداد الدفعة المقدمة (25%) من إجمالي ثمن الأرض خلال فترة لا تزيد عن شهر من تاريخ إجراء القرعة العلنية.
2. يتم سداد باقي ثمن الأرض وقدره 75% من إجمالي الثمن  بدون فوائد على ثلاثة أقساط سنوية متساوية يستحق سداد القسط الأول منها بعد عام من تاريخ استكمال سداد الدفعة المقدمة .

تيسيرا على العملاء قررت الهيئة بالتعاون مع بنك التعمير والاسكان السماح بالتقدم بنفس الشروط السابقة لكل من :

1. من سبق له سداد مبلغ جدية الحجز بالقرعة السابقة ولم يحصل على قطعة ارض بالتقدم لذات المدينة السابق التقدم لها اذا كانت متاحة بهذه القرعة .
2. من سبق له سداد مبلغ جدية الحجز بالقرعة السابقة ولم يحصل على قطعة ارض ، وتنطبق عليه شروط التقدم بمدينة اخرى من المدن المتاحة  بهذه القرعة .

لذا يرجى التقدم لفروع البنك التى تم فيها السداد لمبلغ جدية الحجز ايام العمل الرسمية من الساعة الثانية ظهرا الى الساعة الخامسة مساءا للتوقيع على الاقرار والنموذج المعد لذلك وفتح حساب مميز لتحويل مبلغ جدية الحجز السابق سداده ، وذلك دون الحاجة الى شراء كراسة شروط مرة اخرى .

علما بأن الهيئة سوف توالى الإعلان عن اراضى بمختلف المدن الجديدة بما يلبى احتياجات المواطنين فى جميع المحافظات ضمن برنامج الإسكان الاجتماعي
للاستعلام الاتصال برقم 19388

ارتفاع ملحوظ في اسعار مواد البناء في السوق المصري بالرغم من الركود

صدرت النشرة الشهرية للجهاز المركزي للتعبئة العامة والاحصاء لمتوسط اسعار مواد البناء للمستهلك العادي او اسعار التجزئة وكانت بياناتها كالتالي

- ارتفاع اسعار الاسمنت الابيض لتصل ل 41 جنيه للشيكارة

-انخفاض اسعار الاسمنت البورتلاندي العادي ليصل ل 26 جنيه للشيكارة

- الاسمنت الحديدي 24.8 جنيه للشيكارة

-ارتفاع اسعار حدي المباني 10 , 13 , 16 مم ليصل ل 5093 جنيه للطن الواحد

- ارتفاع طفيف في اسعار خشب بيان نمرة واحد ليصل ل 1755 جنيه للمتر المكعب

- الخشب اسويدي نمرة 1 وصل ل 2173 جنيه للمتر المكعب

- خشب البياض نمرة واحد وصل ل 1755 جنيه للمتر المكعب

- خشب الزان 3100 جنيه للمتر المكعب

- سعر المتر المكعب للرمل وصل ل 32 جنيه

- سعر الزلط 70 جنيه

- متر مواسير المياه الحديدية قطر 3\4 بوصة 12 جنيه للمتر

- مواسير المياه الحديدة قطر 1 بوصة 14.5 جنيه للمتر

 

تراجع اسعار الاسمنت بسبب الركود

بسبب الركود الشديد وتوقف عمليات الشراء والبيع تراجعت اسعار الاسمنت حوالي 30 % بسبب وجود فائض كبير في انتاج الشركات

واكد أحمد الزينى، رئيس شعبة مواد البناء بغرفة القاهرة أن حجم الكميات المنتجة شهريا من الأسمنت تراجع بنسبة 50%

وأضاف أن الشركات لديها الرغبة فى إنتاج كامل طاقتها لشهر سبتمبر الجارى؛ لتعويض خسائرها مما دعى لتخفيض أسعار فى الأسواق

وأوضح أن شركات الأسمنت لا تزال تحتفظ بإعلان أسعارها الرسميه لقطاع التجارة الداخلية المقررة شهريا بنفس أسعار البيع المرتفعة والمسجلة على الشكائر بما يتعدى الـ530 جنيها فى الطن

ولكن حسب اسعار السوق المصري فان سعر طن الاسمنت حسب اسعار اليوم 20 سبتمبر 2011 هي 480 جنيه مصري للطن الواحد

ترجمة لبعض المصطلحات الهندسية

لا يخفي علينا ان اللغة الانجليزية هي اللغة الاولي في العالم وهي اللغة السائدة في معظم الاعمال وحتي تكون مواكب لكل جديد في مجال تخصصك لابد من المامك ببعض من هذه اللغة خاصة المصطلحات الخاصة بمجال عملك
واليكم ترجمة لبعض المصطلحات الهندسية والمعمارية التي لا غني عنها لأني معماري حتي يتسني له مواكبة كل ماهو جديد ومتطور

الصين تبني زهرة عملاقة تمتص اشعة الشمس والهواء ومياه الامطار

ستقوم جامعة (وهان) الصينية قريبا بافتتاح مركز ابحاثها او مايدعي مركز زهرة الطاقة ويعتمد المبني كليا علي الطاقة النظيفة الطبيعية ويستغني عن الطاقة التقليدية كلية
ويتكون المبني كما هو واضح في الصور اللاحقة من برج بأرتفاع 140 م يمثل (تاج الزهرة )  مغطي بالخلايا الشمسية التي تمتص اشعة الشمس كما تفعل الزهرة الحقيقية
وكما يظهر يبرز جزء فوق هذا البرج يحتوي علي مولدات هوائية للطاقة تقوم بتوليد طاقة اضافية من الرياح
حول هذا البرج يقوم عدد من الابراج الاقل ارتفاعا تمثل اوراق الزهرة مغطاه بالنباتات المزروعة فوق السطح تقوم هذه النباتات بتنقية الهواء
كل هذه الابراج تحتوي علي نظام لتجميع مياه الامطار لاستخدامها في تبريد الهواء داخل المبني للتقليل قدر الامكان من استخدام التكييفات
وبهذا يكون هذا المبني قد استغني كلية -تقريبا- عن انواع الطاقة التقليدية